Uconnection

Нууцлалын бодлого

Сүүлд шинэчилсэн: 2026-09-01

Uconnection (“бид”) нь энэхүү вэбсайтаар дамжуулан цуглуулсан хувийн мэдээллийг хэрхэн ашиглаж, хамгаалдаг талаар доор тайлбарлав.

1. Цуглуулдаг мэдээлэл

Холбоо барих / демо хүсэх формоор дамжуулан та дараах мэдээллийг сайн дураар өгнө:

Нэр
И-мэйл хаяг
Байгууллагын нэр (заавал биш)
Утасны дугаар (заавал биш)
Таны бичсэн хүсэлт / зурвас

2. Мэдээллийг ашиглах зорилго

Цуглуулсан мэдээллийг зөвхөн таны хүсэлтэд хариу өгөх, бүтээгдэхүүн танилцуулах, демо зохион байгуулах зорилгоор ашиглана. Бид таны мэдээллийг зөвшөөрөлгүй сурталчилгаа/спам илгээхэд ашиглахгүй.

3. Мэдээлэл хадгалалт ба хамгаалалт

Таны мэдээлэл HTTPS (шифрлэгдсэн) холболтоор дамжиж, хандалт хязгаарлагдсан аюулгүй серверт хадгалагдана. Зөвхөн эрх бүхий ажилтан хандах боломжтой. Нэвтрэлт нь нууц үгээр (PBKDF2 хэшлэлт) хамгаалагдсан.

4. Гуравдагч этгээдэд шилжүүлэх

Бид таны хувийн мэдээллийг гуравдагч этгээдэд зарж, түрээслэхгүй. Зөвхөн хууль ёсны шаардлагын дагуу эрх бүхий байгууллагад мэдээлэл өгч болно.

5. Күүки ба аналитик

Бид күүки ашигладаггүй, гуравдагч этгээдийн аналитик (Google Analytics г.м.) суулгаагүй. Оронд нь өөрийн серверт байрлах энгийн хэмжилт ажилладаг бөгөөд хуудас үзэх болон товч дарах бүрд дараахыг бүртгэнэ:

үзсэн хуудасны хаяг, өмнөх хуудас (referrer), сурталчилгааны utm_source шошго;
зочны нэргүй танигч — таны IP хаяг, хөтчийн төрөл, тухайн өдрийн огноог нэгтгэн буцаах боломжгүй байдлаар хэшилсэн утга. Энэ утга өдөр бүр солигддог тул таныг өдрөөс өдөрт мөрдөх боломжгүй. IP хаягийг өөрийг нь хадгалдаггүй.

Нэмээд дараах зүйлийг хэмжинэ: хуудсанд байсан хугацаа, хэр гүн гүйлгэсэн, аль хэсэг хүртэл хүрсэн, ямар товч/линк дарсан, хуудасны ачаалалтын хурд (Core Web Vitals).

Таны хөтөч дээр (сервер рүү илгээгддэггүй) дараахыг хадгална: хэл, өнгөний сонголт, тухайн табын санамсаргүй сешн дугаар, мөн «урьд нь орж байсан эсэх» гэсэн ганц үнэн/худал тэмдэглэгээ. Энэ тэмдэглэгээ нь ямар нэг танигч биш — зөвхөн шинэ болон буцаж ирсэн зочдын харьцааг мэдэхэд ашиглагдана, таныг таних боломж олгодоггүй.

Хүсэлтийн формоор ирсэн мэдээлэлд таны хаанаас ирснийг (эх сурвалж, өмнөх хуудас) хамт хадгалдаг — үүнийг зөвхөн аль суваг үр дүнтэй байгааг мэдэхэд ашиглана.

6. Хадгалах хугацаа

Хэмжилтийн бичлэг: 90 хоног, дараа нь автоматаар устна.
Холбоо барих / демо хүсэлт: харилцаа дуустал, дараа нь таны хүсэлтээр устгана.

7. Таны эрх

Та өөрийн мэдээллийг үзэх, засах, устгах хүсэлтээ info@uconnection.mn хаягаар илгээж болно. Бид ажлын 5 өдрийн дотор хариу өгнө.

8. Утасны апп (U-Site)

Талбайн ажилтны U-Site аппын нууцлалын бодлого тусдаа: uconnection.mn/privacy/app (монгол, English).

9. Холбоо барих

Нууцлалтай холбоотой асуултаа info@uconnection.mn хаягаар илгээнэ үү.

← Нүүр хуудас руу буцах